作词 : 热西·嘎玛桑登

作曲 : 热西·嘎玛桑登

编曲 : 索当珠

གཞས་ཚིག རག་ཤི་ཀརྨ་བསམ་གཏན།

གཞས་གདངས། རག་ཤི་ཀརྨ་བསམ་གཏན།

ང་ད་ནང་ཡོང་ཡོང་སོག་ཤོད་ཡུལ་ནས་ཡོང་ཡིན།།

སོག་གཡག་ལ་བསེ་བོའི་བྱིན་རླབས་ཁྱེར་ནས་སླེབས་ཡོད།།

ཕ་ཨ་མྱེས་བཞག་པའི་རས་པ་འཁྲབ་བཞིན་སླེབས་ཡོད།

དཀའ་མ་ཐལ་ངེད་ཚང་བདེ་མོ་སྐྱིད་པོ་ཡིན་ལགས།།

ཕུ་འཚེར་ས་རི་ལུང་སྡེ་བའི་མི་ལ་བཙོང་མེད།།

མདའ་ཞིང་ས་གྲུ་བཞི་སྐམ་པོའི་ཐང་ལ་བསྒྱུར་མེད།།

ཡུལ་ཕུ་ནུ་མཐུན་པའི་གཏམ་བཟང་ཁྱེར་ནས་སླེབས་ཡོད།།

དཀའ་མ་ཐལ་ཚང་མ་བདེ་མོ་འཚམ་པོ་ཡིན་ལགས།།

ང་ད་ནང་ཡོང་ཡོང་སོག་ཆུའི་རྒྱུད་ནས་ཡོང་ཡིན།།

སྒ་སྐྱ་ལོ་ཚང་གི་གཡང་རྟེན་ཁྱེར་ནས་སླེབས་ཡོད།།

སྨན་འབྲུག་མོས་བཞག་པའི་སྐྱེ་གཟུགས་ངོམ་བཞིན་སླེབས་ཡོད །

དཀའ་མ་ཐལ་ངེད་ཚང་བདེ་མོ་སྐྱིད་པོ་ཡིན་ལགས།།

ཆུང་ཚ་བོ་ཚ་མོ་བདག་མེད་སྲང་ལ་རྒྱབ་མེད།།

གཞོན་ཕོ་སར་མོ་སར་ལས་མེད་ནང་ལ་ཉལ་མེད།།

དྲིན་ཕ་མས་བསྐུར་བའི་ལག་རྟགས་ཁྱེར་ནས་སླེབས་ཡོད།།

དཀའ་མ་ཐལ་ཚང་མ་བདེ་མོ་འཚམ་པོ་ཡིན་ལགས།།

ང་ད་ནང་ཡོང་ཡོང་སོག་རོང་སྨད་ནས་ཡོང་ཡིན།།

ཁམས་སྲིན་མོ་རྫོང་གི་གནས་བཤད་ཁྱེར་ནས་སླེབས་ཡོད།།

མ་སྲུ་མོས་བསླབས་པའི་སྒོར་བྲོ་འཁྲབ་ནས་སླེབས་ཡོད།

དཀའ་མ་ཐལ་ངེད་ཚང་བདེ་མོ་སྐྱིད་པོ་ཡིན་ལགས།།

འབྲོག་རྫི་བོའི་གླུ་ངག་ལུང་སྟོང་ནང་ལ་ཡལ་མེད།།

གྲོང་ཡུལ་བའི་རྡོག་བྲོ་སྔ་མོའི་གཏམ་ལ་ལུས་མེད།།

གོང་མེས་པོས་བཞག་པའི་ནོར་བུ་ཁྱེར་ནས་སླེབས་ཡོད།།

དཀའ་མ་ཐལ་ཚང་མ་བདེ་མོ་འཚམ་པོ་ཡིན་ལགས།།

དུས་དེ་རིང་ང་ཚོ་མཉམ་དུ་བྲོ་ཞིག་འཁྲོབ་ཤོག །

སྐྱིད་མཉམ་འཛོམས་བྱུང་བའི་བྲོ་ཞིག་ཡ་ལ་འཁྲོབ་ཤོག །

དུས་དེ་རིང་ང་ཚོ་མཉམ་དུ་གླུ་ཞིག་ལོངས་ཤོག །

སང་ཡང་ཡང་མཇལ་བའི་གླུ་ཞིག་ཡ་ལ་ལོངས་ཤོག །